موقف فتاه عند ابوهــــــــــــــا .....

لسلام عليكم ورحمة اله وبركاته
كييييييييييفكم عساكم بخير؟؟
ماأطول عليكم وبقولكم وش جايبه لكم معي اليوم اتمنى مايكون مكرر
هذا موقف طريف ومحرج في نفس الوقت
هذا الموقف تقول فيه...

كنت جالسه اتفرج عالتلفزيون ...متابعه مسلسل ...وجا مشهد زواج وحده من ألي تحبه من زمان..
قلبت القناه لقيت عرض ازياء فساتين عرايس..قلبت القناه لقيت خطوات وضع مكياج العروس ..سكرت التلفزيون وجريت الونه التفت على ابوي الي نسيت تماما انه كان جنبي ..
قال ابوي:خير انشاءالله يابنتي؟!وش فيك؟!عسى ماشر؟!

انا تلخبطت ساعتها وفتحت له التلفزيون وجلست ساكته...
ايه اكيد بسكت وش اقول له؟!اقوله ودي اعرس؟!
(يعني اتزوج بالعربي)..اقول له صاحباتي اغلبهم تزوجو؟!ولا اقول له اني تمنيت اكون مكان بنت خالتي في كوشتها وفي زفتها امس؟!يقطع الدراسه وسنينها ياشيخ..
اوف والله غثا يابخت جداتنا ماتطف الوحده العشر سنين الا وهي مخطوبه وعلى عمر 12 اعرست وان وصلت البنت سن 18 وماعرست يقولون عانس!!هذوليك البنات عايشين صح مب حنا ألي نعجز ونوصل سن اليأس وماأعرسنا اخ يبه الله يفتح عليك وتخليني اعرس وتفكني من الدراسه..
وبينما انا غارقه في قاع هذي الهواجيس ويرن جوال ابوي ويقطع حبل افكاري ..طالع ابوي الرقم وقال رقم غريب..رد بلهجه رسميه..
-وعليكم السلام...الله يسلمك..الحمدلله بخير..ايه انا ابوفلانه(منيب قايله احلى نوف عشان ماحد يعرفني ويضحك علي)..لا منت غلطان انا هو..ماعليك زود الله يسلمك..من معاي اخوي ماعرفتك؟!..والنعم..تفضل وش السالفه ألي تبيني فيها؟!..لا ماني مشغول..لها الدرجه الموضوع مهم!!..تفضل تكلم اشغلتني..

وألتفت ابوي علي وعطاني نظره غريبه..
ساعتها قرصني قلبي مو من رد ابوي بس من نظراته الغريبه..

رد ابوي على المتصل:وش فيها زود...لا بس مافيها أي مميزات عن الباقي..

-طيب وبعدين..ايوه..طيب وش اسمك الكامل؟؟...وش تشتغل بالظبط..طيب من دلك علي وأعطاك رقمي؟؟..لا الموضوع ياأبني مو بها البساطه..الموضوع مش بيع وشرى وبس..لاموضوع انك تجي بيتنا خليها بعدين...لين أسال عن كل صغيره وكبيره..لا لمل أكتفي من السؤال وأخذ المعلومات اللي تكفي بتصل عليك تجي ونتفاهم ويكون خير..

انا كنت متابعه خطوات ابوي وان متشققه من الفرح..

اخيرا بنخطب وبتزوج مثلي مثل غيري..

يوه اخيرا بلبس فستان ابيض منفوش
اخيرا بطلع اجهز واتقضى للزواج...بسوي حفل زواج كبير مره وبحط زفه ريميكس وطرحتي ماأبيها خليجيه وع بخليها مبتكره..منيره منيب عازمتها هي وخواتها ماعزموني الاسبوع ألي فات على الدي جي ألي سوه..وحصه صديقة امي ماني عازمتها بعد مالي خلقها تحوسني لو حطيت اورج..وبشتري اغراض واشيل واحط واخطط..بيصدع راسي ..ولو لذيذ هالصداع..

يوم قفل ابوي الخط التفت علي وهو مبتسم ابتسامته تعجب وهو ساكت..
-هاه يبه ؟متى يجي يشوفني؟
-منهو؟!
-هذا الي خطبني تو..
-وشو؟!
-خطيبي الي تو..
-تمونين انتي وجهك صار خطيبك على طول ماعندك وقت؟!
-ايه يبه ترى احذرك هالمره شف تكرش العريس مثل ما كرشت ولد ام مساعد العام للحين ترها حازه في نفسي ترى هالمره بضرب عن الدراسه..ولا الأكل مقدر اضرب عنه..
والرسول حث على تزويج من ترضون دينه وخلقه..وهذا قلبي انه اجوادي ترى ماعرفه بس اتوقع انه كذا..وترى العرس اهم من الدراسه عشان الجنس البشري لا ينقرض..وبعدين من قال لك اني منيب مكمله الدراسه لا والله بكمل..

حسيت ان عيون ابوي بتطلع من شده علامات التعجب..:
-هي انتي حدك حدك لا تشطحين!!!
-وش اشطح!هذي الحقيقه والحقيقه ماتزعل وانت الله يطول لنا عمرك علمتنا على الصراحه وحب الحقيقه..
-اي عريس واي هم؟!!..انتي مسخنه؟؟..هذا مندوب شركه يبي يوريني المكنسه العجيبه على قولته ألي تغسل وتنظف وتنفخ وتطبخ خخخخخخخخ..
قومي نامي يابنيتي ولا تكثرين قعده قدام التلفزيون..اللحين عرفت ليه سكرتيه تو..
الله يقطع ام العجله أللي تعرفونها...

وش يكون ردت فعلك لو كنتي مكانها...لول

منقول لعيونكم

Admin المساهمات : 357 تاريخ التسجيل : 01/11/2010

مشكووووووووووووووورهـ

يسلمو ع المووضع النايس